by ഇന്ന് നമുക്ക് നല്ല ടേസ്റ്റിയായിട്ടുള്ള ഒരു പലഹാരം തയ്യാറാക്കിയാലോ. സേമിയയും പാലും കൊണ്ട് തയ്യാറാക്കിയിട്ടുള്ള ഈ പലഹാരം വൈകുന്നേരങ്ങളിൽ സ്നാക്സായും രാവിലെ ബ്രേക്ക്ഫാസ്റ്റായും കഴിക്കാൻ വളരെ നല്ലതാണ്. അപ്പോൾ നമുക്കിത് എങ്ങനെയാണ് തയ്യാറാക്കുന്നത് എന്ന് നോക്കാം. അതിനായി ഒരു കപ്പ് പാൽ ഒരു പാത്രത്തിലേക്ക് ഒഴിച്ച് അടുപ്പിൽ വയ്ക്കുക. ശേഷം പാൽ തിളച്ചുവരുമ്പോൾ ഒരു കപ്പ് വറുക്കാത്ത സേമിയ ചേർത്ത് ഇളക്കുക.
എന്നിട്ട് അതിനൊപ്പം മധുരത്തിന് ആവശ്യമായ പഞ്ചസാരയും കാൽ ടീസ്പൂൺ ഏലയ്ക്ക പൊടിച്ചതും ചേർത്ത് നല്ലപോലെ ഇളക്കുക. എന്നിട്ട് പാലിലിട്ട് സേമിയ നല്ലപോലെ വേവിച്ചെടുക്കുക. ശേഷം പാകത്തിന് വെന്ത് പാൽ വറ്റി വന്ന സേമിയയെ ഫ്ളയിം ഓഫ് ചെയ്ത് മാറ്റിവയ്ക്കുക. ശേഷം ഒരു പാത്രത്തിലേക്ക് 3 കോഴി മുട്ട പൊട്ടിച്ചു വീഴ്ത്തുക. എന്നിട്ട് അതിലേക്ക് മധുരത്തിന് ആവശ്യമായിട്ടുള്ള പഞ്ചസാര ചേർത്ത് നല്ലപോലെ ഇളക്കി എടുക്കുക. ശേഷം നേരത്തെ വേവിച്ചു വെച്ചിട്ടുള്ള സേമിയയെ മുട്ടയിലേക്ക് ചേർത്ത് കൊടുക്കുക.
എന്നിട്ട് കുറച്ച് നട്ട്സും,കിസ്മിസും കൂടി ചേർത്ത് എല്ലാം കൂടി നല്ലപോലെ ഇളക്കി യോജിപ്പിക്കുക. ശേഷം ഒരു സോസ് പാൻ അടുപ്പിലേക്ക് വയ്ക്കുക. ശേഷം അതിലേക്ക് ഒരു ടേബിൾ സ്പൂൺ ഓയിൽ ചേർത്ത് കൊടുക്കുക. ഇനി ഓയിൽ ചൂടായി വരുമ്പോൾ കലക്കി വെച്ചിട്ടുള്ള മുട്ട മിക്സിനെ പാനിലേക്ക് ചേർത്ത് കൊടുക്കുക. എന്നിട്ട് അടച്ചുവെച്ച് 10 മിനിട്ടോളം ലോ ഫ്ളൈമിൽ വേവിച്ചെടുക്കുക.
ശേഷം 10 മിനിറ്റായപ്പോൾ പലഹാരത്തിൻ്റെ മുകൾ ഭാഗം കുറച്ചുകൂടി വെന്ത് വരേണ്ടതുണ്ട്. അതിനാൽ വേറൊരു പാൻ ചൂടാക്കിയശേഷം അതിലേക്ക് കുറച്ച് ഓയിൽ ചേർത്ത് കൊടുക്കുക. എന്നിട്ട് ഈ പലഹാരത്തിനെ അതിലേക്ക് മറിച്ചിട്ട് കൊടുക്കുക. എന്നിട്ട് രണ്ട് സൈഡും വേവിക്കുക. രണ്ടു ഭാഗവും നല്ലപോലെ വെന്തു മൊരിഞ്ഞു വരുമ്പോൾ ഫ്ലെയിം ഓഫ് ചെയ്ത് സെർവ് ചെയ്യാം. അപ്പോൾ വളരെ ടേസ്റ്റിയായിട്ടുള്ള മുട്ടയും പാലും കൊണ്ട് തയ്യാറാക്കിയ വളരെ രുചികരമായ ഒരു പലഹാരമാണിത്.
എല്ലാവരും ഇതുപോലെ ഈ പലഹാരം തയ്യാറാക്കി നോക്കണേ. വൈകുന്നേരങ്ങളിൽ ചായയ്ക്കൊപ്പം കഴിക്കാനും കുട്ടികൾക്ക് സ്നാക്ക് ബോക്സിൽ കൊടുത്തു വിടാനുമെല്ലാം ഈ പലഹാരം ഏറെ നല്ലതാണ്. കൂടുതൽ അറിവിലേക്കായി പോസ്റ്റിൽ ഉൾപ്പെടുത്തിയിട്ടുള്ള വീഡിയോ കണ്ട് നോക്കാവുന്നതാണ്.
