by നിങ്ങൾ ബട്ടർ നാൻ കഴിച്ചിട്ടുണ്ടോ. വളരെ ടേസ്റ്റിയായ ഒരു ബ്രേക്ഫാസ്റ്റാണ് ഇത്. വളരെ ഈസിയായി ഉണ്ടാക്കാൻ പറ്റുന്ന ഈ ബ്രേക്ഫാസ്റ്റ് എങ്ങനെ തയ്യാറാക്കാം എന്ന് നോക്കാം. ആദ്യം ഒരു പാത്രത്തിലേക്ക് രണ്ട് കപ്പ് മൈദ എടുക്കുക. ശേഷം മൈദയിലേക്ക് കാൽ ടീസ്പൂൺ ബേക്കിങ് സോഡയും, അര ടീസ്പൂൺ ബേക്കിങ് പൗഡറും, ആവശ്യത്തിന് ഉപ്പും, ഒരു ടീസ്പൂൺ പഞ്ചസാരയും, ചേർത്ത് ഇളക്കി മിക്‌സാക്കുക. ശേഷം ഒരു പകുതി നാരങ്ങയുടെ നീരും, ഒന്നേകാൽ ടീസ്പൂൺ ഓയിലും ചേർത്ത് ഇളക്കുക. ശേഷം ചെറിയ ചൂട് പാൽ കുറെച്ചെയായി മൈദയിലേക്ക് ചേർത്ത് മാവിനെ കുഴച്ചെടുക്കുക.
ചപ്പാത്തിയേക്കാൾ സോഫ്റ്റുള്ള മാവാണ് ഈ ബട്ടർ നാൻ തയ്യാറാക്കാനായി വേണ്ടത്. ശേഷം കുഴച്ചെടുത്ത മാവിനെ ഇരുപത് മിനിറ്റോളം അടച്ചു റെസ്റ്റ് ചെയ്യാനായി വെക്കുക. ഇരുപത് മിനിട്ടിനു ശേഷം ഒന്നും കൂടി കുഴച്ചെടുത്ത മാവിനെ ചെറിയ പീസുകളായി ഉരുട്ടി എടുക്കുക. ശേഷം കൗണ്ടർ ടോപ്പിൽ കുറച്ചു മൈദ വിതറിയ ശേഷം ഓരോ ബോളിനേയും പരത്തി എടുക്കുക. ചപ്പാത്തിയേക്കാൾ കുറച്ചും കൂടി കട്ടിയിൽ വേണം മാവിനെ പരത്തി എടുക്കുവാൻ.
ഇനി ഒരു പാൻ അടുപ്പിൽ വെച്ച് ചൂടാക്കുക. ശേഷം ചൂടായി വന്ന പാനിലേക്ക് നാൻ ഇട്ടു കൊടുക്കുക. ശേഷം ഒരു സൈഡ് കുമിളകൾ പോലെ വന്നാൽ തിരിച്ചിട്ട് കൊടുക്കുക. ശേഷം തിരിച്ചിട്ട് ഒന്ന് പ്രസ് ചെയ്തു പൊങ്ങി വരുമ്പോൾ പാനിൽ നിന്നും എടുക്കുക. ശേഷം പൊങ്ങി വന്ന നാനിന്റെ മുകളിലേക്ക് കുറച്ചു ബട്ടർ മെൽറ്റാക്കിയ ശേഷം ഒന്ന് ബ്രഷ് ചെയ്തു കൊടുക്കുക. എന്നിട്ട് ഒന്നും കൂടി തിരിച്ചും മറിച്ചുമിട്ട് മൂപ്പിച്ചെടുക്കുക. എല്ലാം ഇതുപോലെ തയ്യാറാക്കൂ, ഇത് എല്ലാരും ട്രൈ ചെയ്യാൻ മറക്കല്ലേ. പാൽ ചേർത്ത് ഉണ്ടാക്കിയത് കൊണ്ട് വളരെ ഹെൽത്തിയായ ഒരു ബ്രേക്ഫാസ്റ്റ് കൂടിയാണ് ഇത്.
